रायपुर : मुख्यमंत्री विष्णुदेव साय राजधानी रायपुर के मुख्यमंत्री निवास म जल संसाधन विभाग के समीक्षा बैठक ले। बैठक म मुख्यमंत्री साय प्रदेश म चलत सबो निर्माणाधीन अऊ प्रगतिरत सिंचाई परजेक्ट के जानकारी लेके कहिन – सब काम गुनवत्ता के संग पूरा होवय अऊ काम म तेजी लान जरूरी हे।
मुख्यमंत्री कहिन के जल संसाधन परजेक्ट प्रदेश के विकास के मेरुदण्ड आय। जनता ल साफ पेयजल मिले अऊ किसान मन ल खेती बर पर्याप्त पानी मिले, ये बर सिंचाई परजेक्ट ल तय समय म पूरा करना बहुत जरूरी हे।
मुख्यमंत्री विभाग के अफसर मन ल सख्त निर्देश देके कहिन – निर्माणाधीन अऊ प्रगतिरत सबो सिंचाई परजेक्ट के काम म गती लाओ, गुनवत्ता म कोनो समझौता नई होवय।
बैठक म जल संसाधन विभाग के सचिव राजेश सुकुमार टोप्पो मुख्यमंत्री ल पावर पॉइंट प्रेजेंटेशन के माध्यम ले प्रदेश के सिंचाई परजेक्ट के अब तक के स्थिति बताइन।
ये बैठक म मुख्यमंत्री के प्रमुख सचिव सुबोध कुमार सिंह, सचिव पी. दयानंद अऊ जल संसाधन विभाग के वरिष्ठ अधिकारी मन उपस्थित रहिन।
Share this
